| 荷瑞大傷鋒現頹細
19/11/2008
文： 重炮手
近排天氣忽冷忽熱，各位真係要小心身體，千祈唔好學荷蘭國家隊咁大傷「鋒」啦！事關橙衫軍團有前鋒亨特拉爾同洛賓因傷退隊，今晚熱身賽主場對同樣有箭頭伊巴謙莫域缺陣瑞典，預計入波都只係一粒起、兩粒止，一於吼實入球細啦！（開賽時間：周四凌晨3:45）
亨特拉爾洛賓缺陣
其實荷蘭傷兵情況早上月中世盃外圍賽已經出現，可惜隔成個月仍然無改善，好似今仗賽前就有前鋒亨特拉爾、洛賓同門將史基倫堡因傷落選。尤其兩位射手受傷之後令球隊前線只有賴恩巴布、古積特同尹佩斯三人可用，考慮到佢目前[被屏蔽广告]英超入球率麻麻，今晚都未必幫到橙衫軍團入波。
至於瑞典亦唔好得幾多，因為前鋒伊巴謙莫域同後美爾堡都向領隊拿格碧克申請今場波免戰，少伊巴謙無論用軒歷拿臣拍羅辛貝治抑或馬古斯貝治，攻堅效果都唔見理想，所以不妨博今場無入波，玩細盤啦！
|
